Красноярск краенда янгыннарда кешеләр һәлак булганнан соң җинаять эшләре ачылган. Бу турыда «Вести» каналы хәбәр итте.
Янгында биш кеше үлгәннән соң, «Саксызлык аркасында ике яки аннан да күбрәк кеше үлеменә китерү» маддәсе буенча ике җинаять эше ачылган.
Биредә 7 майда 16дан артык торак пунктта 200дән артык йорт һәм корылма, берничә пилорама, балалар бакчасы яна.
Төбәк буенча Тикшерү идарәсе белешмәсе буенча, Никольск авылында Октябрь урамындагы төрле йортларда ир-ат мәете, тагын бер кеше җәсаде табыла.
Талажанка авылында берничә йортта тереләй янып үлгән ике хатын-кыз һәм бер ир-ат мәете табыла.
Биредә көчле җил булу сәбәпле, янгыннарны сүндерү тагын да катлаулана. Гадәттән тыш хәл режимы игълан ителде.