«Красная Поляна» курортының генераль директоры Андрей Круковский Сочида тауларда фаҗигале һәлак булган. Бу турыда «Комсомольская правда» хәбәр итте.
37 яшьлек Андрей Круковский Ачипсин крепосте янында йөргән чакта сукмактан егылып төшеп китә һәм җитди имгәнә. Табиблар аңа ярдәм итә алмый, ул үлә.
«Андрей Алексеевич тулысынча эшкә бирелгән, тау чаңгысы спорты һәм тауларда йөрү белән шөгыльләнгән. Ул Красная Полянаны дөнья дәрәҗәсенә җиткерде», – дигәннәр курортның матбугат хезмәтендә.
Андрей Круковский Мәскәүдә туган, Мәскәү Икътисад, сәясәт һәм хокук институты, Лондон бизнес мәктәбен тәмамлаган, икътисад фәннәре кандидаты.