Киләсе елга мул уңыш бирсен өчен алмагачларга көздән ашлама сибәргә кирәк. Бу турыда «Челнинские известия» яза.
Ашламаны яфраклар коелгач сибәләр. Башта артык ботакларны кисеп ташларга кирәк. Секатор ярдәмендә авыру һәм иске ботакларны алып ташлагыз. Киселгән урыннар юан булса, бакыр купоросы эремәсе белән эшкәртеп, бакча балавызы (садовый вар) белән сылап куегыз.
Ашлама итеп кертелә торган түбәндәге эремә алмагачларга да, башка агачларга да ярый.
10 литрлы чиләккә җылы су салыгыз, 60 грамм суперфосфат һәм 50 грамм сернокислый калий өстәгез. Яхшылап болгатып, агачка сибегез, диелә хәбәрдә.