Ковидның тагын бер куркыныч нәтиҗәсе билгеле
Аяк табаннары һәм кул чуклары ою, мускуллар хәлсезләнү һәм авырту, координация белән проблемалар барлыкка килә.
Коронавирус инфекциясе Гийен — Барре синдромын китереп чыгарырга мөмкин. Бу турыда Бримингем университеты галимнәренә сылтама белән РИА Новости язды.
Галим Алекс Рихтнер сүзләренчә, ковид белән авыргач, организмда барлыкка килә торган антитәнчекләрнең йөрәк һәм тән тиресендә аутоиммун авырулар вакытында барлыкка килә торган антитәнчекләргә охшаган яклары бар.
Авыруның беренче симптомнары — аяк табаннары һәм кул чуклары ою, мускуллар хәлсезләнү һәм авырту, координация белән проблемалар. Коронавирусны җиңел һәм авыр формада кичерүчеләрне тикшеренү вакытында нәкъ менә шундый билгеләр ачыкланган.
Гийен — Барре синдромы — кискен аутоиммун ялкынсыну полирадикулоневропатия авыруы. Ул тәннең тоюы кимүдә, вегетатив җитешсезлекләрдә чагыла. Бу авыруны беренче тапкыр 1916 елда француз табиблары Жорж Гийен һәм Жан Барре тасвирлаган.