Магадан өлкәсендәге Колыма трассасының 1753 нче километрында внедорожник катнашында юл-транспорт һәлакәте булган. Машинаның 71 яшьлек пассажиры үлгән. Бу хакта төбәк Дәүләт автоинспекциясенең телеграм-каналында хәбәр иттеләр, дип яза «Рен-ТВ».
«Якынча мәгълүматларга караганда, Toyota Land Cruiser 200 автомобиленең 58 яшьлек йөртүчесе идарәне югалткан. Нәтиҗәдә транспорт чарасы ауган», – диелә хәбәрдә.
«Ашыгыч ярдәм» килеп җиткәндә пассажир инде үлгән булган. Машина йөртүче җәрәхәтләр алган, аны, медицина ярдәме күрсәтү өчен, хастаханәгә алып киткәннәр.