Омск – Красноярск юлында авариядә 3 кеше үлгән, 2 кеше имгәнгән. Бу турыда Россия Эчке эшләр министрлыгының Омск өлкәсе буенча идарәсе телеграм-каналында хәбәр ителә.
Фаҗига бүген көндезге берләр тирәсендә була.
«Сузуки» машинасы белән 41 яшьлек ир-ат идарә итә. Омск – Красноярск юлының 33нче километрында ул каршы як полосага чыга. Биредә «Сузуки» «УАЗ» машинасына бәрелә. «УАЗ» белән 1979 елда туган ир-ат идарә итә.
Бәрелешкәч, «УАЗ» юлы кырыена төшеп китә һәм яна башлый.
«УАЗ» йөртүчесе, салондагы пассажир – 2003 елда туган ир-ат, шулай ук «Сузуки» пассажиры – 1979 елда туган хатын-кыз һәлак була.
Тикшерү эшләре билгеләнгән, диелә хәбәрдә.
Фото: © https://t.me/omsk_police
