Бүген 15.00 сәгатьтә Прохладный – Баксан – Эльбрус федераль юлының 35нче километрында юл һәлакәтендә 2 кеше үлгән, 12 кеше имгәнгән. Бу турыда Кабарда-Балкар Республикасы буенча Гадәттән тыш хәлләр министрлыгының «Телеграм» каналында хәбәр ителә.
Тырныауз һәм Бедык торак пунктлары янында пассажирлар ташый торган «Газель» белән «БМВ» җиңел машинасы бәрелешә. Пассажир автобусы «Нальчик – Тырныауз» маршруты буенча бара.
Авариядә 2 кеше җитди имгәнә һәм һәлак була.12 кеше имгәнә, аларны Эльбрус районы үзәк район хастаханәсенә китергәннәр.
Урында экстрен хезмәтләр эшли, диелә хәбәрдә.