«Коточкыч» — Вил Усманов үзенең яңа образын күрсәтте
Башы пеләшкә кырып алынган видеосын инстаграмга куеп, җырчы бөтен кешене гаҗәпкә калдырган.
Вил Усманов халык «әстәгъфирулла» дип әйтерлек итеп образын үзгәрткән. Сәхнәдәшләре һәм инстаграм дуслары бу видеоның чын булуына ышанып бетмәгән, әлбәттә. «Монтаждыр бу», «Олы абыегыздыр», — дип язганнар. Күпчелек халыкка Вил Усмановның кыяфәте ошамаган.
«Бу без белгән Вил Усманов түгел», «Әстәгы…», «Бер дә үзедә охшамагансың. Әллә без өйрәнмәгән шунда. Кире элекке кыяфәтеңә кайт», «Юк, килешми. Коточкыч. Ничә яшькә картайта. Җитешерсең картаерга, матур килеш кенә йөр әле», «Мама Ама Криминал», «Мафиозник», «Бандитка охшагансың», — дигәннәр.
Вил Усмановның пеләш образы бер кешенең генә күңеленә хуш килгән. «Бик күркәм. Аз гына төзәтеп җибәрсәгез. Шул кадәр килешә», — дип комментарий калдырган ул.