Коточкыч авариядә дүрт кеше, шул исәптән күкрәк балалары һәлак

15 декабрьдә кичке сигезләр тирәсендә Башкортстанның Дүртөйле районының Атсөяр авылы янында коточкыч юл һәлакәте булган. Бу фаҗига турында «Башинформ» агентлыгы хәбәр итте.

Башкортстан буенча Гадәттән тыш хәлләр министрлыгы хәбәр иткәнчә, ВАЗ 2107 һәм ВАЗ-2111 машиналары кара-каршы бәрелешкән.

ЮХИДИ хезмәте агентлыкка хәбәр иткәнчә, авариядә җиде кеше зыян күргән. Алар барысы да шушы машиналарда утырып барган.

Зыян күрүчеләрнең дүртесе урында һәлак булган. Алар арасында 30 яшьлек хатын-кыз, 49 яшьлек ир-ат, икедән өч айга кадәр яшьтәге ике күкрәк баласы бар.

Тагын өч кешене Дүртөйле районының Үзәк хастаханәсенә китергәннәр.