Коточкыч авария: машиналар тимер өеменә әйләнгән, 24 кеше зыян күргән

Бүген кичке дүртләр тирәсендә Екатеринбургта «Дэу» җиңел машинасы белән рейс автобусы бәрелешкән. Бу вакытта автобуста утызлап кеше булган. Шулардан 24 кеше зыян күргән.

Бәрелешкәннән соң, җиңел машина тимер-томыр өеменә әверелгән, автобус юл кырыена төшеп капланган. 

Зыян күрүчеләрнең хәле турында әлегә мәгълүмат юк.

«Татар-информ» агентлыгы бу һәлакәт урыныннан видео урнаштырды.