Җырчы, композитор, продюсер Радик Ярулллин, ягъни без белгән ди-джей Радик сөенечле яңалыгы белән социаль челтәрдәге сәхифәсендә уртаклашкан. Кичә Мәскәүдә аңа мактаулы исем биргәннәр. Хәзер ул – Татарстанның атказанган артисты.
«Татарстанның атказанган артисты! Әлеге исемне кичә миңа Татарстан Республикасы Рәисе Рөстәм Нургали улы Миңнеханов тапшырды!
Бу хәл Рамазан аенының кыл уртасында булды. Рәхмәт Аллаһы Тәгаләгә. Рәхмәт әти-әниемә, гаиләмә һәм мине «поддерживать» иткән барлык якыннарыма. Аерым зур рәхмәт Татарстан Республикасы вәкиллегенә. Иҗади хезмәттәшем Айрат Сафинга һәм Татарстанның атказанган артисты Роза Хәбибуллинага», – дип, рәхмәтләрен җиткергән Радик.
Ди-джейның сәхнәдәшләре, виртуаль дуслары аны ихластан котлаганнар, киләчәктә дә аңа иҗади уңышлар теләгәннәр.
Ул теләкләргә «Интертат» та кушыла. Афәрин, Радик!
Фотолар: Радик Яруллинның шәхси аккаунтыннан