Казанда коткаручылар биш яшьлек кызга ярдәм иткән. Бу хакта Россия Гадәттән тыш хәлләр министрлыгының Татарстан Республикасы буенча баш идарәсе хәбәр итә.
112 номерына бер шәхси йортта яшәүче кызның кулындагы баш бармагы балалар өчен ясалган пластик шешәнең «авызына» тыгуы турында хәбәр килгән. Кызның бармагы шешкән, шешәдән чыгара алмаганнар.
Вакыйга урынына килгән коткаручылар кызга ярдәм иткән. Бәхеткә, ул бернинди тән җәрәхәте дә алмаган.