Костромада бер кыз, роллы ашап агуланганнан соң, вафат булган. Татьяна Скородумова социаль челтәрләрдә язганча, аның кызы Ольга шәһәрдәге бер кафеда роллы ашаган. Шуннан соң кызның хәле начарланган, температурасы күтәрелгән һәм аны реанимациягә алып киткәннәр, дип яза k1news.ru/news сайты.
«Минем кызым реанимациядә. Әллә суши, әллә роллы ашаган. Төгәл генә әйтә алмыйм. Телефонын алдылар, реанимациягә кертмиләр. Температурасы 39 градус, коса. Нишләп җәмәгать туклануы урыннарын тикшермиләр икән? Иптәш Ситников? Мөгаен, Костромада күпләп кеше агулануын көтәләрдер инде.
Сезнең макталган, эшмәкәрләрнең котын алып торган санитария хезмәте кайда соң?» – дип язган Татьяна Скородумова.
Берникадәр вакыт узгач, Татьяна кызының вафат булуын язган.
