Кытайның Аньхой провинциясендә 40 яшьлек ир-атка эчкечелектән чип куйганнар. Ул 20 елдан артык көн саен кимендә 500 мл спиртлы эчемлек эчеп яшәгән. Ул эчүдән туктап торган арада борчыла, тәне калтырана торган булган. Бу хакта «Комсомольская правда» Телеграм-каналы яза.
Бу – чип кую белән бәйле беренче генә тәҗрибә түгел, әмма бу вариант психологик яктан гына түгел, ә үз-үзеңне тотыш ягыннан да бәйлелекне җиңәргә булыша икән.
Операция 10 таблеткадан торган имплант куюдан гыйбарәт. Һәр таблетка борчак зурлыгында, пациентның корсагының аскы өлешенә тире-май катламына 1 см озынлыктагы кисем ясап кертелә. Процедура 5 минут чамасы дәвам итә. Гидрохлорид налтрексон матдәсе әкренләп чыгып бетә һәм алкогольгә психологик тартылуны бетерә. Препарат 4 сәгать эчендә тәэсир итә башлый һәм организмга 6 ай дәвамында кереп бара.