Коронавирустан үлгәннәр өчен пыяла «тәрәзәле» табутлар чыга башлаган
Бу табутта башка кешенең мәете булмагае дигән шик булмасын өчен эшләнә, дип хәбәр итә ритуал агентлык вәкиле.
Мәскәүдә коронавирустан үлгәннәрен капкачы пыяла булган табутларда җирли башлаячаклар, дип хәбәр итә ТАСС.
Ритуаль компания җитәкчесе әйтүенчә, бу табутта башка кешенең мәете түгелме дигән шик булмасын һәм якыннары кешене тиешле рәвештә соңгы юлга озата алсын өчен эшләнә. Пыяла капкач герметик рәвештә ябыла, мәетне озатучылар өчен куркыныч түгел, дип ышандыралар.
Мәскәү зиратларында коронавируска бәйле социаль дистанция таләпләре бик катгый, дип яза ТАСС.
Мәскәүдә инде "мөселманнар өчен" дигән пыяла капкачлы табутлар да тәкъдим ителә. "Мөселман табуты" христианнар өчен дигән табуттан нәрсәсе белән аерылганын язмаганнар.