Коронавирусның киләсе дулкыныннан сакланып буламы?
Табиб Мясников фикеренчә, коронавирус белән авырган кешеләр вакцина ярдәмендә омикрон штаммыннан саклана ала.
Коронавирус белән авырган кешеләр вакцина ярдәмендә омикрон штаммыннан саклана алачак, дип сөйләде табиб һәм телевидениедә тапшырулар алып баручы Александр Мясников үзенең телеграм-каналында. Бу хакта РИА Новости яза.
Табиб искәртеп узганча, вакцинаның икенче компонентын алганнан соң өч атна узгач кына организмда иммунитет формалаша башлый. Ревакцинациядән соң антитәнчекләр өч атнадан соң гына арта.
«Коронавирус белән авыручылар саны февраль аенда артачак. Шуңа күрә прививка ясатуны сузарга ярамый», — дип саный ул.
Белгеч билгеләп үткәнчә, прививка COVID-19ны яңадан йоктырудан гына түгел, «омикрон» штаммыннан да саклый.
