Коронавирус йоктырып, хастаханәгә алып китә калсалар, үзең белән ниләр алырга кирәк?
Бу очракта авыру янына туганнарын кертмиләр.
Коронавируслы авыруларны хастаханәгә алып киткәндә кирәкле әйберләр исемлеген «Московский комсомолец» хәбәр итте.
Башта ук документларны — паспортны һәм иминият полисын әзерләп куярга кирәк. Алар больничный язу кирәк булачак. Үзеңнең хроник авыруың вакытында эчә торган даруларны алу хәерле.
Аннары стандарт җыелма кирәк:
- савыт-саба,
- душ өчен резин аяк киеме,
- халат яки спорт костюмы,
- йокы күлмәге,
- эчке киемнәр,
- палатада йөрү өчен аяк киеме.
«Гадәти теш щеткасы, теш пастасы, сабын, дымлы салфетка, сөлге, шампунь, бәдрәф кәгазе янына дезинфекция чаралары да өстәү хәерле», — дип киңәш итә табиблар.
Телефонны алырга онытмагыз. Аның янына зарядкасы да кирәк.