Коронавирус йоктырган Илдар Абдразаков хастаханәдә ята
Концерттан соң, җырчының кәефе киткән.
Танылган опера җырчысы Илдар Абдразаков коронавирус белән авырый. Бу турыда «Башинформ» хәбәр итте.
Җырчы социаль челтәрләрдә үзе дә бу турыда язып калдырган. «Өченче көн кич белән, „Дон Карлос“ спектакленнән соң хәлем киткәнен сиздем. Бераз температурам күтәрелде. Мин коронавируска тест тапшырдым. Бүген иртән якынча уңай нәтиҗә килде», — дип яза ул.
Тамашачылар артистка тизрәк сәламәтләнү тели. Хәзерге вакытта ул хастаханәдә ята. «Мин хастаханәгә барып җиттем. Тикшеренәм, аннары нишләтәселәре билгеле булыр», — дип сөйләгән Илдар Абдразаков «Башинформ» агентлыгына.
