Корбан сарыгының тиресен һәм сөякләрен нишләтергә?
Корбан сарыгының тиресен һәм сөякләрен нишләтергә?
Быел Корбан гаете 11 августта була. Татарстан мөселманнарының Диния нәзарәте сайтында корбан чалуның төп кагыйдәләре чыкты.
- Корбан итен сатарга яки аны түләү сыйфатында кулланырга ярамый;
- җәмгыять өчен корбанның файдасы күбрәк булсын өчен тырышырга, шуңа күрә:
- әгәр хайванның тиресен һәм эчен куллану мөмкинлеге булса, аны ташлау хупланмый (кулланылмаган очракта күмеп куярга мөмкин);
- әгәр сөякләре файдаланылган булса, аларны этләргә бирүдән тыю юк,
- корбанлык хайванының канын, гадәти вакытта мал суйгандагы кебек, шулай ук туфрак белән күмәргә кирәк.
Әгәр хайванның карыныннан яралгы чыкса, аның үсеш стадиясе исәпкә алына. Ул тулысынча формалашкан һәм тере булса, аны чалырга кирәк, әгәр формалашмаган яки үлгән булса, аны ашау тыела һәм аны чалу бернинди дә файда китерми.
Хайванның тиресен:
Хайванның тиресен:
- сәдака итеп бирергә;
- хуҗалыкта файдалану өчен нинди дә булса җайланма эшләргә;
- яки хуҗалыкта озак вакыт файдаланыла торган нәрсәгә дә булса алыштырырга мөмкин.