Корбан бәйрәме: гает намазы ничәдә башлана, нисаб күләме күпме, Тәшрик көннәре кайчан?

Быел Корбан бәйрәме 6 июньдә була. Бу турыда Татарстан Диния нәзарәте телеграм-каналында хәбәр ителә.

Корбан чалу нисабы – 53 мең сум.

Казанда гает тәртибе:

• 2.00-3.00 – Коръән уку;
• 3.00-3.30 – гает вәгазе уку;
• 3.30 – гает намазы;
• 3.40 – хөтбә, Коръән укып дога кылу.

Гает намазын Татарстанның барлык мәчетләрендә дә кояш чыгып 30 минут узгач уку тәкъдим ителә.

Тәкбир әт-Тәшрик көннәре: 5, 6, 7, 8, 9 июнь. Бу көннәрдә (5 июньдә иртәнге намаздан башлап 9 июньдә икенде намазын кертеп), фарыз намазларыннан соң (барлыгы 23 тапкыр), сәлам биргәч, тәкбир-тәшрик әйтелә:

«Аллаһү әкбәр, Аллаһү әкбәр. Ләә иләәһә илләллааһү вәллааһү әкбәр. Аллааһү әкбәр вә лилләәһил-хәмд».

Ирләр тәкбирне тавыш белән, хатын-кызлар эчтән әйтә.

Корбан чалу 8 июньдә кояш баеганчыга кадәр дәвам итәчәк, диелә хәбәрдә.