![Көрәшче Рафаэль Кәлимуллин гаиләсендә сөенечле вакыйга](https://intertat.tatar/resize/shd/images/uploads/news/2023/7/11/c3fcccef068d0dc3f2c2f2c97cfdef69.jpg)
«Манзара» көрәшчесе, 75 кг үлчәү авырлыгында Татарстан чемпионы Рафаэль Кәлимуллин әти булган. Тормыш иптәше Регина көрәшчегә кыз бала бүләк иткән. Шатлыклы хәбәр турында Татарстан Көрәш федерацияcенең социаль челтәрдәге сәхифәсендә язганнар.
Рафаэль – танылган көрәшче Ренас Кәлимуллинның бертуган энесе. Аның Регинага бик романтик рухта тәкъдим ясавы хакында «Интертат» язган иде. Рафаэль үзе социаль челтәрләргә еш керми, ә менә тормыш иптәше йөкле вакытындагы матур фотокадрлар белән уртаклашкан.
Яшь әти белән әнине әлеге куанычлы вакыйга белән ихлас котлыйбыз!