Контроль эшкә бармас өчен, укучы кыз аягын сындырырга маташкан
Бала интернеттан эзләп, аякны авырттырмыйча гына сындыру ысулларын өйрәнә.
Мәскәү мәктәбендә 7 сыйныфта укучы кыз бала тарихтан контроль эшкә бармаса өчен, аягын сындырырга маташкан. Бу турыда РЕН ТВ хәбәр итте.
Кыз бала караваттан егылып төшмәкче була. Башта ул интернеттан белешмә эзли, аякны авырттырмыйча гына сындыру ысулларын өйрәнә. Аннары авыртуны баса торган даруларны күп иттереп эчеп куя.
Тик кыз сәламәтлегенә зур зыян китердем дип куркуга кала, барысын да анасына сөйләп бирә. Кызны хастаханәгә салганнар.
Аннары бала белән профилактик әңгәмә уздырганнар. Тикшерү эшләре бара, диелә бу хәбәрдә.