Кара карлыганда бик күп файдалы матдәләр бар. Бу хакта «Радио-1»га клиник психолог, нутрициолог, диетолог Ольга Ромашина сөйләгән.
Аның сүзләренчә, 100 грамм кара карлыганда 200 миллиграммга кадәр С витамины бар. Кызыл карлыганда исә якынча 45 миллиграмм С витамины бар, ди белгеч.
«Шулай ук карлыган калийга бай. Калий йөрәк-кан тамырлары системасына уңай тәэсир итә һәм артык суны чыгара. Моннан тыш, бу җиләк-җимештә гемоглобин өчен файдалы тимер, тән тиресенең яшьлеген саклау өчен кирәк булган Е витамины һәм кан оешу өчен мөһим булган К витамины бар», — дип аңлатты диетолог.
Белгеч сүзләренчә, зурларга көненә 150 грамм гына кара карлыган ашарга киңәш ителә. Моннан артык ашаган очракта ашказанына артык кислота эшкәртергә туры киләчәк, диде ул.