Ростов өлкәсенең Аксай районындагы бер авылда ир-ат сөйгәнен аягыннан бамперга бәйләп куеп, машинасы белән урманга кадәр сөйрәп алып барган. Аны көнчелек аркасында үтерүдә гаеплиләр. Бу турыда «Комсомольская правда» хәбәр итте.
Ир-ат бергә яши торган хатынын башта кыйный, аннары буксировкалау тросы белән хатынны машинага бәйләп куя. Юлдан хатынны сөйрәтеп, урман полосасына алып бара, аннары кувалда белән хатынның башына берничә тапкыр суга.
Тикшерүчеләрнең якынча версиясе шундый. Алар «аеруча вәхши ысул белән үтерү» маддәсе буенча җинаять эше ачкан.
З8 яшьлек хатын үлеменең якынча сәбәпләре турында Россия Тикшерү комитетының Ростов өлкәсе буенча Тикшерү идарәсе матбугат хезмәтендә сөйләгәннәр.
Мәрхүмәнең мәетен 10 июньдә урманда тапканнар. Оперативниклар версиясе буенча, ир-ат бергә яши торган хатынын троска бәйләп, урманга юлдан сөйрәп алып килгән. Ир хатын белән бер яшьтә. Төп версия буенча, фаҗига 10 июньгә каршы төндә була. Талаш көнчелек аркасында килеп чыга. Аннары ир-ат җинаять эзен яшермәкче була.
Тикшерү эшләре бара, диелә хәбәрдә.