Пермь өлкәсенең Краснокама районында ике кешене вәхшиләрчә үтерүдә шикләнелүче ир-атны тоткарлаганнар. Бу турыда «Вести» каналы хәбәр итте.
Тикшерүчеләр фаразлаганча, 60 яшьлек ир-ат элеккеге хатынын һәм аның белән яши торган ир-атны үтергән.
Фаҗига 7 ноябрьдә кич белән Ласьва бистәсендә була. Ялгыз калган ир-ат урамда элеккеге сөйгәнен һәм аның яңа ирен очрата. Алар тыныч кына аерылыша алмый, җинаятьтә шикләнелүче ир-ат пычак чыгара.
Ул 39 яшьлек хатынга берничә тапкыр пычак кадый, аннары хатынның 38 яшьлек сөяркәсен дә куып тота.
Ул яңа сөяркәне янкормага сөйрәп алып керә һәм үтерә. Аннары элеккеге хатынының мәетен дә шушында алып килә. Ул янкорма ишегенә йозак элеп куя һәм үзе качып китә.
Җинаятьченең кайда тотылуы хәбәр ителми. Әлегә аның гаебен тану-танымавы да билгеле түгел, диелә бу хәбәрдә.
