Красноярск өлкәсендә яшәүче ир-егет йөкле сөйгән хатын-кызын хыянәттә гаепләп, кыйнаган һәм чәчләрен кырып алган. Бу турыда РЕН ТВ хәбәр итте.
Өстәвенә, ул хатын өстенә зеленка сипкән. Өлкә буенча Эчке эшләр министрлыгы тикшерү эшләре башлаган.
Ир-атның сөйгәнен үтерү белән янавы, тәрәзәдән ыргытырга теләве төшерелгән видео социаль челтәрләрдә таралган.
«Өстенә зеленка сибелгән кыз елап идәндә утыра. Моны егет үзе төшергән», – диелә бу хәбәрдә.
Егет сөйгәнен тикшереп карарга тели. Ул башка ир исеменнән хәбәр яза һәм очрашырга тәкъдим итә. Хатын-кыз очрашуга килгәч, аның өстенә зеленка сибәләр, кыйныйлар һәм чәчләрен кырып алалар. Аның авырлы булуы билгеле.
«Россия Эчке эшләр министрлыгының «Красноярское» идарәсе хезмәткәрләре әлеге мәгълүматны теркәде. Тикшерү бара», – диелә матбугат хезмәте хәбәрендә.
Полиция белешмәсе буенча, кыйналган хатын-кыз гариза белән мөрәҗәгать итмәгән.
