Тиз генә әзерләнә торган торт. Бер коржны ак килеш, икенчесенә какао кушып пешерергә. Гади крем ягарга һәм "көн-төн" торты әзер була.
Камыр өчен: 4 йомырка, 1 стакан кибет каймагы, 0,5 стакан шикәр комы, 0,5 банка куертылган сөт (сгущенка), 2 аш кашыгы сода, 1 аш кашыгы аш серкәсе, чама белән он.
Крем өчен: 0,5 банка куертылган сөт, 200 грамм атланмай.
Эш барышы: аерым стаканга сода һәм аш серкәсе салып болгатырга. Аннары калган ингредиентларга салып яхшылап болгатырга. Иң соңыннан чама белән он салырга, камыр куе каймак сыман булырга тиеш.
Табаны үсемлек мае белән майларга, камырның яртысын табага агызырга һәм пешерергә куярга. Калган камырга бер аш кашыгы какао өстәргә, яхшылап болгаткач, майланган табага салып пешерергә куярга.
Коржлар пешкәч, аларны суытырга. Атланмайны эре угычтан уарга, куертылган сөт салып, крем ясарга. Ике коржга да крем ягарга һәм икесен дә кремланган ягы белән тоташтырырга, өстенә янә крем сыларга.
Әзер тортны җиләк-җимеш, кондитер эшләнмәләре белән бизәргә була.
