Яссы табанлы аяк киеме гел киеп йөрү өчен файдалы түгел. Бу турыда «Челнинские известия» хәбәр итте.
Табиб-остеопат Владимир Белаш фикеренчә, кроссовкины көн саен киеп йөрү дә файдага түгел. Мондый аяк киеме аяк табанын дөрес фиксацияләми. Шуңа күрә кешенең авырлык үзәге алга таба күчә, умыртка баганасына, тез һәм бот сөяге буыннарына өстәмә йөкләнеш барлыкка килә.
Моннан тыш кроссовкиларны шактый эластик материалдан ясыйлар, шуңа күрә, йөргәндә аяк табаны дөрес формада булмый. Бу – аяк табаны, аеруча балаларда һәм үсмерләрдә, деформацияләнүгә китерә, ди белгеч.
Көн саен кроссовки киеп йөрсәң, аяк мускулларына өстәмә йөкләнеш килә. Кроссовки яратучылар еш кына аяк авыртуга, аруга, көзән җыеруга зарлана.
Синтетик материалдан ясалган кроссовкилар һава кертми, тирне сеңдерми, бу исә аллергия һәм гөмбәчек авырулары китереп чыгарырга мөмкин, ди Дмитрий Вилков.
Кеды да кроссовкидан яхшырак түгел, яссы табанлы, амортизациясе булмаган кеды буыннарга һәм умыртка баганасына зыян китерә, диелә хәбәрдә.