Композитор Рафис Кәлимуллин кунакка килгән әнисенең башына нәрсә кигәнен күрсәтте
Бәйрәмнәр алып баручы әнисен видеога төшергән.
Композитор Рафис Кәлимуллин әнисен видеога төшергән. Видеода әнисенең башына балалар эчке киемен киеп, ашарга әзерләп йөргәнлеге күренә.
«Кичә син шалтыраттың да ашыгып чыгып киттем, яулык онытылып калган. Аш янында йөрим бит, чәчем коела, башка нәрсә тапмадым», — ди җырчының әнисе.
«Бу бит минем кызымның трусигы. Дуслар, менә сезгә лайфхак», — дип Рафис Кәлимуллин.
Бу лайфхакны хәзер 50 меңнән артык кеше белә. Инстачыларның кәефе күтәрелгән, шат смайликларның исәбе юк.
«И әйбәт булды әле, бәйләгән яулык төшеп җәфалый иде», «Уйлап тапкан бит менә!»; «Молодец ханым, судан да коры чыгар ул, аптырап кала торганнардан түгел»; «Баштан да төшми, баш та тирләми», «Аш бүлмәсендә эшләү өчен генә бу. Зинһар, урамга алай чыгып китә күрмәгез», — дип шаярган инстачылар.
«Апа әби бит инде сез. Уйланыбрак кыланыгыз, татар әбиләренең бүлмә саен яулыклары була», — дип тәнкыйть язучы бабайга композитор «син үзең әби» дип җавап биргән.
Бу комментарий авторына композиторның әнисе дә җавап биргән: «Мин бит үз өемдә түгел. Сиңа кызык булсын дип уйлап чыгармадым. Бер дә әби булырга җыенмыйм».
Бу гапләшүгә башка инстачы төгәл итеп нокта куйган: «Башка сыярлык трусик кия торган оныгың булгач, әби буласың инде, теләсәң дә, теләмәсәң дә».
Шулай ук «Карарга оят», «Бер кызыгын күрмим, килешми. Кеше көлдерәм дип ни генә кыланмыйлар», «Көлдермәгез инде. Өйдә яулык булмыймыни» кебек комментарийлар да язганнар.