Композитор Марат Мухинның хатыны нәрсә киеп йоклаганын күрсәтте
Танылган блогер Гөлия Вәлиәхмәтова шаян видео төшергән.
Композитор Марат Мухинның хатыны, танылган блогер Гөлия Вәлиәхмәтова виртуаль дусларына шаян видео тәкъдим итә.
Видеода күренгәнчә, социаль челтәрдә аның матур фотосы тора һәм ул бер егет белән әңгәмә кора.
Мин йокларга яттым.
Шундый матур кызның нәрсә киеп йоклаганын төшереп җибәр әле.
Ярар, мин сиңа видео җибәрәм.
Шул вакытта блогер апалар һәм әниләр киеп йоклый торган эчке киемнән бии башлый.
Әллә нинди матур эчке киемнән күрергә өметләнгән кешеләрнең хыяллары чәлперәмә килә. Ә күпчелек язылучыларның кәефе күтәрелгән, тәгәрәп көлгән смайликларның исәбе юк.
«Мин дә яратам мондый эчке күлмәкне. Ул җылы һәм рәхәт», дигән комментарийлар да бар.