1 июльдән Татарстанда торак-коммуналь хуҗалык хезмәтләре өчен яңа тарифлар гамәлгә керә. Яңа саннар турында «Челнинские известия» яза.
Чаллыда суның 1 кубометры өчен бәя 29,9 сумнан 34,58 сумга арта.
Газның 1 кубометры өчен 8,41 сум түлисе була.
Су белән газга тарифлар 2025 елның 31 декабренә кадәр генә билгеләнә.
Электр энегиясе өчен тариф – газ плитәләре куелган өйләрдә 5,73 сум/кВт-сәг (НДС белән). Арту – 64 тиен. Электр плитәләре торган өйләрдә 4,88 сум/кВт-сәг (НДС белән) – арту 78 тиен. Авылда яшәүчеләр өчен – 4,19 сум/кВт-сәг (НДС белән), арту – 62 тиен.
«Татэнерго» АҖ тәэмин итә торган җылылык энергиясенә тариф гигаколория өчен 2319 сум 30 тиеннән 2795 сум 20 тиенгә күтәрелә.
Чүп-чар калдыклары белән эшләү өчен түләү Татарстанның көнчыгышында – «Гринта» регоператоры хезмәт күрсәтә торган урыннарда – 614,95 сум/куб.м. (НДС белән).
Күп фатирлы йортта яшәүче 1 кеше өчен түләү арту – 120,94 сум, шәхси йортта яшәүче 1 кеше өчен 131,19 сум тәшкил итә.
Гомумән алганда «коммуналка» өчен түләүләр 1 июльдә 17,5-22,3 процентка арта, диелә бу хәбәрдә.
