«Комментарийлар кайнар булыр кебек» – Илсөя Бәдретдинованың чираттагы дуэты кем белән?
Җырчы Илсөя Бәдретдиновадан тамашачылары өчен чираттагы «тәмлүшкә» – яңа дуэт. Бу юлы ул композитор Илдүс Дәвләнов белән.
Моңа кадәр Илсөянең Илдүс иҗат иткән җырларны җырлаганы бар иде инде. Иҗатташ дуслар менә уртак җыр да яздырырганнар.
«Яңа җыр! Яңа дуэт! «Кызыл иннек». Davlyan һәм Илсөя. Рәхим итеп тыңлап карагыз әле... Комментарийлар кайнар булыр кебек.
Миләүшә Әфләтунова сүзләре, Davlyan көе, аранжировкасы һәм тавыш яздыру. Барлык музыкаль мәйданнарда», – дип язган Илсөя Бәдретдинова социаль челтәрләрдә.
«Бет чәйнәүчеләр булыр инде, аларсыз – дөнья җансыз. Дәвләновта иҗади алга китеш сизелә, маладис», «Шәп җыр», «Заманча», «Ва-а-а-у-у, вәт яңалык», – дип бәяләгәннәр җырчының виртуаль дуслары.
«Илнур ныграк килешә, аның йөзе ирләрчәрәк», – дип, Илсөя белән алдан дуэт җырлаган Илнур Коләхмәтовны искә алучы да булган.
«Попкорн артыннан барып килим әле, аннары, җайлап, комментарийлар укый башлармын», – дип, гайбәтләргә өметләнгән берәү.