Кияү туйда шок ясый: Кәләш апасының ире белән хыянәт иткән видеоны кунакларга күрсәтә

Кытайда кияү егете туйда кунакларга шаккаткыч видео күрсәтә. Кадрларда кәләше аңа хыянәт итә. Өстәвенә, ул үзенең йөкле апасының ире белән була. Бу турыда «Московский комсомолец» хәбәр итте.

Кияү егет кәләшнең хыянәтен очраклы гына белеп ала. Ул өйгә видеокамера куя һәм тест ясый. Шул чакта сөяркәләрне тота.

Ләкин кияү сабыр гына туйны көтә, ул, шулай итеп, бөтен туганнар һәм дуслардан да үч алмакчы була.

«Сез мине белми дип уйладыгызмы?» – ди ул туйда.

Видеоны күрсәткәннән соң, кәләш чәчәк бәйләмен кияүгә ыргыта. Кунаклар исә кияү белән кәләшне аерырга керешә.

Социаль челтәр кулланучылар төрле фикер әйтә. Күбесе кияүне яклый. «Идеаль үч алу», – ди алар.