Британиядә кияү егет кәләшенең туйга кадәр хыянәт итүен белеп ала. Ул тантаналы бәйрәм килеп җиткәнне көтеп тора һәм туйда кәләшен кимсетү ысулын уйлап куя. Кияү кәләшнең хыянәте төшерелгән фотоларны кунакларга тарата. Бу турыда Лайф яза.
Кәләш буласы кыз кияүнең дусты, туйда шаһит булачак егет белән очраша башлавын белеп ала. Ләкин ул туйны барыбер уздырырга була, тыныч кына тантанага әзерләнеп йөри. Туй көнендә дуслар һәм туганнар ресторанга җыела. Алар яшь парны котламакчы була. Шул чакта кияү егете сүз ала һәм сюрприз әзерләвен әйтә.
«Мин сүз башлаганчы конвертлар китерәчәкләр. Барыгыз да шуны ача алмассызмы?» – ди ул.
Конвертта кәләшнең фотолары була. Анда ул шаһит егет белән бергә төшкән, фотоларда хыянәт сурәтләнгән.
Шуннан соң кияү егет туганнары белән бергә дәшмичә генә чыгып китә. Ул бу гамәле белән кызны туганнары каршында кимсетергә генә түгел, ресторан өчен акчаны да түләтергә тели, диелә хәбәрдә.