Таиландта спортчы егет туйда кәләшен һәм кәләшенең анасын атып үтергән. Бу турыда «Вести» каналы хәбәр итте.
Туй тантанасы канлы фаҗига белән тәмамлана – биредә 5 кеше һәлак була. 29 яшьлек йөзүче-паралимпияче Чатуронг Суксук тантана вакытында машинасы янына барып, пистолет алып килә. Башта кәләшен, аның сеңлесен, аннары кәләшнең анасын атып үтерә.
Аннары ул үз-үзенә кул сала. Фаҗига сәбәбе әлегә билгеле түгел.
Шаһитлар сүзләренчә, кияү белән кәләш бер мизгелдә талаша башлаган.
Ядрә тагын ике кунакка тигән, аларны хастаханәгә илткәннәр. Бер хатын-кыз хастаханәдә вафат булган.
Кунаклар сүзләренчә, Чатуронг бик исерек була, ул үзе инвалид булгач, яңа хатыны башка кешегә китеп барыр, дип курка, диелә хәбәрдә.
