Кияү белән кәләш утырган Mercedes капланган - видео
Юл һәлакәтен узып баручы машинадан видеога төшергәннәр.
28 сентябрьдә Ростов-на-Дону шәһәрендә туй машинасы юл һәлакәтенә очраган. Бу турыда «Вести» каналы хәбәр итте.
Туй кортежында барган G-класслы Mercedes Оганов урамында капланган. Шәһәрдәге матбугат чаралары хәбәр иткәнчә, бу машина Kia автомобиленә бәрелгән. Шуннан соң ул тәгәрмәчләрендә басып тора алмыйча, ян кырыена ауган. Шаһитлар ауган машинаны видеога төшергән.
Mercedes машинасында барган кияү белән кәләш җитди имгәнмәгән. Алар белән бергә баручы кешеләр дә зыян күрмәгән, диелгән әлеге хәбәрдә.
