«Китмә!» – Фирдүс Тямаев юл фаҗигасендә гомере өзелгән Диана истәлегенә җыр башкарган
![«Китмә!» – Фирдүс Тямаев юл фаҗигасендә гомере өзелгән Диана истәлегенә җыр башкарган](https://intertat.tatar/resize/shd/images/uploads/news/2023/5/16/01f92408556bdd350a2d2a1e49969727.jpg)
Фирдүс Тямаев үз концертларының берсендә «Китмә» дигән җырын юл фаҗигасендә үлгән блогер, 3 бала әнисе Диана истәлегенә башкарган.
«Әнвәр Нургалиевның апасының кызы Диана юл һәлакәтендә вафат булды. 3 бала ятим калды. Мәрхүмәнең якыннарының һәм туганнарының кайгысын уртаклашам. Үзегезне һәм якыннарыгызны саклагыз! Юлларда сак булыгыз!» – диде җырчы сәхнәдән.
Җырны башкарып бетергәч, аңа «Ваша Арбуллина» сәхифәсен алып баручы блогер бер кәрзин роза гөле чыгарды.
«Бу – блогер Арбуллина. Елап беткән. Кил монда, кочаклыйм», – диде җырчы.
Фирдүс Тямаев үзенең «Китмә» җырын 1 ел элек фаҗигале һәлак булган Лилия Гафуровага багышлап җырлаган иде. Әлеге үтенечне җырчыга Лилиянең бертуган апасы, танылган блогер Гүзәл Хөснетдинова җиткергән иде.