Кискен вируслы авыруларның барысын да дәвалый торган дару нинди?
Яман шешкә каршы препаратның вируска каршы үзлекләре ачыкланган.
Бөекбританиянең галимнәре простата яман шеше булганда кулланыла торган препаратның вируска каршы үзлекләрен ачыклаган һәм аны COVID-19 авыруын дәвалаганда файдалы дип тапкан. Экспертлар фикеренчә, киләчәктә бу дару ОРВИны дәвалаганда иң көчлесе булачак. «Лента.ру» сайты MedicalXpress басмасына сылтама белән шул хакта хәбәр итте.
Үсемлекләрдән ясала торган тапсигаргин дигән матдә SARS-CoV-2 коронавирусына, салкын тигәндә була торган коронавируска, А гриппы вирусына һәм кешедәге респират-синцитиаль вируска каршы яхшы чара була икән.
Аз дозада кулланганда ул ОРВИ китереп чыгара торган өч төп типка иммунитет җавабын көчәйтә. Тапсигаргин матдәсе 48 дәвамында вирус таралуны тоткарлап тора. Кеше аңа ияләшми, башка препаратлардан күпкә нәтиҗәлерәк, диелә бу хәбәрдә.