Кисәтү: телефон аша алдауның яңа төре ачыкланган

Россия Тикшерү комитеты телефоннан алдауның яңа төре турында кисәтә. Үзләрен дәүләт структураларында эшлибез дип таныштырган кешеләр, шалтыратып, биодобавкалар әйләнешенә кагылышлы җинаять эше буенча китергән зыян өчен акча күчерергә сорыйлар. Бу алдау төрене бигрәк тә олы яшьтәгеләр бирешә икән.

Мошенниклар, кешегә шалтыратып, фальсификацияләнгән биодобавкалар һәм дарулар турында сөйлиләр, гражданинның шулардан зыян күргән кеше буларак билгеләнүен хәбәр итәләр. Сүзләрен хокукый документлар белән "раслыйлар". Мораль зыянны каплау өчен, зур суммаларда акча күчерергә кушалар.

"Сез бу даруларны эчеп, үзегез дә сизмәстән, җинаятьчеләрнең эшенә ярдәм иткәнсез, шуңа хәзер зыянны капларга кирәк", - диләр телефон мошенниклары. 

Мондый шалтырату булган очракта, кичекмәстән хокук саклау органнарына хәбәр итәргә кирәк, диелә хәбәрдә.