Кировта туй авария, җәнҗал һәм полиция хезмәткәрләренә каршы сугыш белән тәмамланган
Кировта туй авария, җәнҗал һәм полиция хезмәткәрләре белән сугыш белән тәмамланган. Бу турыда РЕН ТВ хәбәр итте.
Туйда урын бик кысан була. Бик исерек кунакларның берсе кафеның парковкасын киңәйтергә маташа һәм, туй тасмалары белән бизәлгән «Лада» машинасына утырып, койманы бәрдерә.
Урынга полиция хезмәткәрләре килә, алар исерек ир-атны патруль машинасына утыртмакчы була. Ләкин туй кунагы бар көченә каршы тора, аңа наручник кидерергә мәҗбүр булалар.
Исерек ир-атка ярдәмгә туйдагы башка кунаклар килеп җитә. Салмыш кешеләр полиция тоткарлаган ир-атны хокук саклаучылардан тартып алмакчы була. Полиция хезмәткәрләре ярдәм чакырырга мәҗбүр була.
Урынга тагын берничә экипаж килә. Шуннан соң гына тәртип урнаштыралар. Кагыйдә бозучыларны полиция бүлегенә алып китәләр, туйдагы калган кунаклар таралыша. Тантана шулкадәр тиз бетә, кәләш чәчәк бәйләмен дә ыргыта алмый кала. Бәйләм урамдагы утыргычта ятып калды, диелә хәбәрдә.