Киров өлкәсендә рәттән берничә йорт, тагын унлап корылма янган

Киров өлкәсенең Кильмез районындагы Кульма авылында 2 майда көндезге унике тирәсендә биш йорт яна. Янгын сүндерүдә 51 кеше катнаша. Ярдәмгә Казаннан МИ-8 вертолеты да бара. Бу турыда Киров өлкәсе буенча Гадәттән тыш хәлләр министрлыгының матбугат хезмәте хәбәр итте.

Кичке бишенче яртылар тирәсендә янгынны тулысынча сүндерәләр. Рәттән өч йорт янып бетә. Бу йортларда 4 кеше яшәгән, хәзер аларны туганнары сыендырган. Йортлар янындагы ун корылма да янып беткән. Имгәнүчеләр юк, диелгән әлеге хәбәрдә.

Якынча мәгълүматлар буенча, башта коры үлән яна башлаган. Аннары җил белән ут йортларга һәм корылмаларга күчкән.

Комментарийлар (0)