2027 елда изге Рамазан ае уразасы 8 февральдә башлана. Бу хакта республика Диния нәзарәтенең мөселман календаренә сылтама белән «Татар-информ» яза.
2027 елда ураза 29 көн дәвам итә, уразаның ахыргы көне 8 мартта була. 9 мартта мөселманнар Ураза гаетен бәйрәм итәчәк.
Ураза вакытында дин тотучылар тәүлекнең якты вакытында ашау-эчүдән һәм интим якынлыктан тыелып тора. Рамазан аенда кичке ввакытта мөселманнар мәчеткә тәравих намазы укырга җыела.