Ватсап чатларында, «Киек каз юллары» җырын башкарып танылган Артур Хәсәнов һәлак булган, дигән имеш-мимешләр таралды. Бу хәбәр күпләрне борчуга салды.
«Шәһри Чаллы» газетасы, Артурның хәлен белешер өчен, бертуган абыйсы белән элемтәгә кергән.
«Мондый сорау белән шалтыратучы сез генә түгел. Аллаһка шөкер, энем белән сөйләшеп торабыз. Гадәттәгечә, «бар да яхшы» ди ул. Концертларга кайтып йөри алмый, әлбәттә», – диде хәрбинең абыйсы.
Күптән түгел «Киек каз юллары» җыры авторы Гүзәлия дә үзенең социаль челтәрендә «Артурны концертымда күрергә телисезме?» дип сораштыру үткәргән иде.