Кичке яңгырдан соң Казан урамнарын һәм ишегалларын су баскан
Йорт тирәсендә су ерып барган кешеләрне шаһитлар видеога төшереп алган.
Бүген кичке якта Казанда яңгыр явып китте. Шуннан соң урамнарны, ишегалларын су баскан. Әлеге кадрларны шаһитлар «Татар-информ» агентлыгына җибәрде.
Шаһитлар сүзләренчә, язмаларның берсен Адоратский урамында төшереп алганнар. Кадрлардан күренгәнчә, йорт тирәсендә су күлләвекләре җыелган, ишегалдыннан машина белән чыгып та булмый, җәяү бөтенләй йөрмәвең хәерле.
Икенче видеода яңгыр суы баскан юл сурәтләнгән. Су торбалар, стеналар буйлап агып төшә.
Подъезд идәннәрдә күлләвекләр җыелган.
