Кичке 6дан соң ашамасаң, ябыгасыңмы?
Диетологлар әйтүенчә, соңгы ашау йоклар алдыннан 2-3 сәгать кала булырга тиеш.
Диетологлар фикеренчә, кичке 6дан соң ашамасаң, ябыгасың дигән фикер дөрес түгел. Иң мөһиме: көн дәвамында дөрес туклану.
Углеводларга бай ризыкны көннең беренче яртысында, кичкә таба аксымга бай ризык ашарга киңәш ителә. Болар арасында балык, майсыз иткә өстенлек бирелергә тиеш.
Диетологлар көненә 5-6 тапкыр аз-азлап ашарга кирәк, ди. Шулай ук көненә ике литр чиста су эчү дә мөһим. Җәй көне су эчүне күбәйтергә була.
Ябыгырга теләүчеләр баллы һәм камыр ризыкларыннан баш тартырга тиеш. Шулай ук физик күнегүләр белән дә шөгыльләнү файдалы.