Волгоград өлкәсендә 3 машина белән авариядән соң җинаять эше ачылган. Биредә 5 кеше һәлак булган. Бу турыда «Вести» каналы хәбәр итте.
Төбәк буенча Эчке эшләр министрлыгы белешмәсе буенча, 22 майда кич белән Жирновск – Рудня – Вязовка – Михайловка – Кумылженская – Вешенская юлында «Lada Kalina» машинасы каршы як полосага чыга. Ул тагын 2 машина белән бәрелешә.
Фаҗига урынында 5 кеше һәлак була, тагын 2 кеше имгәнә, диелә хәбәрдә.