Курск өлкәсенең Курчатов шәһәрендә «Пятерочка» кибетендә бер ир-ат балага ташланган. Бу хакта «База» Телеграм-каналы яза.
Күзәтү камералары язмаларына караганда, ир-ат балага тик торганнан ташлана. Баланың башына сугып ега. Һөҗүм иткән ир-атны кибеттәге икенче ир-ат туктата. Хәзер балага ташланган ир-ат тоткарланган. Полиция мәгълүматлары буенча, ул исерек булган.
55 яшьлек Мөхәммәт Г. Ингушетия кешесе булып чыккан. Айныгач сөйләгәнчә, ул баланы манекен дип уйлаган. Аңа карата «кечкенә баланы үтерергә омтылу» маддәсе буенча җинаять эше ачылган.
