![Кибетнеке кебек кетчуп рецепты](https://intertat.tatar/resize/shd/images/uploads/news/2023/8/28/3125ef057ba4d845fa98361c1aa43386.jpg)
Башкортстанның Илеш районы Ябалак авылында яшәүче блогер Лилия Мортазина кибетнеке кебек килеп чыга торган кетчуп рецептын тәкъдим итә.
Ингредиентлар: 4 кг помидор, 0,5 кг ачы алма, 6 суган, 5 тырнак сарымсак, 2 ачы борыч, 3 татлы кызыл борыч (кызылы булмаган очракта, яшеле дә, сарысы да ярый), 10 түгәрәк кара борыч, 10 дәфнә яфрагы, 2 аш кашыгы тоз, 1 бал кашыгы дарчин (корица), 1 бал кашыгы төелгән кара борчы, 300 грамм шикәр комы.
Яшелчәләрне юып, чистартып, дүрткә бүләргә һәм кәстрүльгә салып сүрән утка куярга. Бу массага тәмләткечләрен салырга һәм 1,5 сәгать кайнатырга, күләме шактый кими.
Аннары 70 грамм аш серкәсе салырга һәм тагын ярты сәгать кайнататырга. Әлеге массаны суытырга, дуршлаг аша чыгарырга, кабат кайнатып чыгарырга да стерильләштерелгән банкаларга салып, тимер капкач белән ябып куярга.
«Ясаган килеш 3 порция ясагыз, бик тәмле була. Бигрәк тә яшьләр яратты, «шашлык янына шәп» диделәр», – дип язган блогер.
![](https://intertat.tatar/images/uploads/fb307d433e4a0eceb11e8c52dc2f8937.jpg)
Фото: © Гөлүзә Василова