Кибетләрдә аш тозы бетәчәк?

Киләсе елдан кибетләрдә аш тозы (поваренная соль) сатылмаячак. Аны "ризык тозы" (соль пищевая) алыштырачак. Бу 1 сентябрьдә гамәлгә кергән ГОСТка бәйле, дип яза "Российская газета".

"Поваренная" термины продуктның характеристикасына туры килмәве аркасында гамәлдән чыгарылды, дип аңлата газета. Элек тозны суны корытып ясаганнар, ә хәзер башка технология кулланалар.

Яңа кагыйдәләр буенча, товарның атамасы аның сыйфатына туры киләчәк. Мәсәлән, йодлаштырылган тоз сатуда кала, дип аңлатканнар "Руспродсоз" ассоциациясендә. 

"Руспродсоюз" яңа канунның тоз бәясенә дә, кибетләрдә булуына да берничек тә тәэсир итмәячәге хакында искәртә.