Кешенең кәгазь ашыйсы килсә, ни була?
Тимер җитми торган анемия вакытында кешенең кәгазь ашыйсы килә башларга мөмкин.
Организмга тимер җитешми торган анемия вакытында кеше арыганлыктан, энергия җитмәүдән, сулыш кысылудан һәм йөрәк тибеше ешаюдан интегергә мөмкин. Бу авыруның башка билгеләре дә була. Медикфорумда шул хакта язалар.
Тән тиресе агару да, колак шаулау да тимер җитмәгәндә булуы ихтимал.
Анемиядән интегүчеләрнең чәчләре коела, ашарга ярамый торган әйберләрне ашау теләге туа. Мәсәлән, кеше кәгазь ашарга тели башларга мөмкин.
Анемия баш авырту китереп чыгарырга, ашаган чакта тел кычытырга, йоту кыенлашырга да мөмкин. Авыз кырыенда авырта торган яралар ясалу да ихтимал.
Мондый авыру вакытында йөрәк һәм үпкә авырулары килеп чыгарга мөмкин. Шуңа күрә канда тимер җитмәү билгеләре сизсәгез, тиз арада табибка мөрәҗәгать итәргә кирәк, дип яза «Челнинские известия».